३ वैशाख, काठमाडौं । दिल्लीमा उपचारका क्रममा निधन भएका पूर्वप्रधानमन्त्री सूर्यबहादुर थापाको पार्थिव शरीरलाई आज नेपाल ल्याइने भएको छ ।

राप्रपा सहायक प्रवक्ता किरण गिरीका अनुुसार थापाको पार्थिव शरीर नेपाल ल्याएपछि मालीगाउँस्थित निवासमा राखिनेछ । त्यसपछि श्रद्धान्जलीका लागि पार्टी कार्यालय वा कुनै स्थानमा राखिनेछ ।

यसबारे छलफल गर्न विहान ९ बजे राप्रपा केन्द्रीय कार्यसमितिको आकस्मिक बैठक बोलाइएको छ ।

थापाको उपचारका क्रममा नयाँदिल्लीस्थित मेदान्त अस्पतालमा बुधबार राति निधन भएको थियो ।