Published On:Friday, April 17, 2015

Posted by my storry

बैशाख ४, काठमाण्डौ, 

काठमाडौं मेडिकल कलेज पव्लिक लिमिटेड (केएमसी) ले दुई साता सम्म १६ औं  केएमसी डे २०१५ मनाउने भएको छ । 

केएमसीले शनिबारदेखि विविध कार्यक्रमका साथ केएमसी महोत्सवको आयोजना गर्न लागेको शुक्रबार पत्रकार सम्मेलनगरी जानकारी दिएको छ ।

विश्व कलेजो दिवसको अवसरमा पारेर कलेजो स्वास्थ्य सम्वन्धित जनचेतनामूलक कार्यक्रम आयोजना गरिने केएमसीले जनाएको छ । 

यसैक्रममा शनिबार विहान काठमाडौंको बसन्तपुरदेखि कमलादीसम्म प्रभातफेरी आयोजना गरिने केएसीका कलेजोरोग विषेशज्ञ डा.क्षेतेन योन्जन तामाङले जानकारी दिइन् । 

कलेजो प्रत्यारोपणका लागि आवश्यक पूर्वाधारको तयारीमा रहेको केएमसीले कलेजो प्रत्यारोपणसम्वन्धी ऐनको अभाव प्रत्यारोपण सुरु गर्न नसकिएको जनाएको छ । 

कानुनी अवरोधका कारण नेपालमा कलेजो प्रत्यारोपण हुन नसक्दा वार्षिक करौंडौ रुपैयाँ विदेसिने गरेको छ । मिर्गौला जस्तै कलेजोका विरामीको संख्या दिनप्रतिदिन बढ््दै गएको चिकित्सकहरुले बताएका छन् । केएमसीमामात्रै विगत ३ वर्षयता कलेजो प्रत्यारोपण गर्नुपर्ने १४० जना विरामी आएको डा् क्षेतेन तामाङले जानकारी दिइन् । 

उनका अनुसार कलेजो प्रत्यारोपणका लागि भारतमा २० लाख भारु खर्च लाग्ने गरेको छ तर नेपालमै प्रत्यारोपण सेवा उपलव्ध भएमा निकै सस्तो पर्नेछ । अन्य मुलुकहरुमा निकै खर्चिलो उपचार रहेकोले नेपालमै प्रत्यारोपण सेवा उपलव्ध भएमा विदेशीहरुसमेत नेपाल आउने र नेपालको स्वस्थ पर्यटनमा समेत टेवा पुग्ने बताइएको छ । 

सबैभन्दा बढी मदिरा तथा मदिराजन्य पदार्थको सेवनबाट कलेजोमा क्षति पुग्ने गरेको छ । कलेजो प्रत्योरोपणबाट पाँचदेखि १० वर्षसम्म मानिसलाई बचाउन सकिन्छ ।