Published On:Thursday, April 30, 2015
Posted by my storry
फोटो खिच्ने पत्रकारमाथी कुटपिट
वैशख १७,
भुकम्प पीडित शिविरको फोटो खिच्न गएका नेपाल समाचारपत्रका नुवाकोट संवाददाता रामहरि गजुरेल माथी कुटपिट भएको छ । उनलाई विदुर नगरपालिका वडा नं. ७ मा पीडितहरुवाट कुटपटि भएको हो ।
दुइपीपलबाट सदरमुकाम विदुर आएका पत्रकार गजुरेलले देवीघाटमा पाल टांगी वसेका भुकम्प पीडितहरुको फोटो खिचेको विषयमा वुधवार राती स्थानीय सचिन श्रेष्ठ र पर्वत शर्माले कुटपिट गरेका हुन् । मदिरा सेवन गरेका उनीहरुले फोटो खिचेको निहुमा आफुलाई टाउकामा मुक्का हानेको पत्रकार गजुरेलले बताए । गजुरेल नेपाल पत्रकार महासंघ जिल्ला शाखाका सहसचिव समेत हुन् ।
कुटपिटबाट घाइते भएका गजुरेलको त्रिशूली अस्पतालमा उपचार गरिएको छ । नेपाल पत्रकार महासंघ जिल्ला शाखाले गजुरेलमाथी भएको कुटपिटको निन्दा गर्दै दोषी माथी कारवाहीको माग गरेको छ ।
