Published On:Tuesday, April 28, 2015

Posted by my storry

काठमाडौं, १६ वैशाख । 

भूकम्प पछिको विपदमा परेकाहरुलाई उद्धारका लागि विभिन्न देशबाट आएका उद्धार टोली र चिकित्सकहरू देशका विभिन्न स्थानमा पुगेका छन् । 

टोलीलले खुल्ला चौरमै भएपनि उपचार व्यवस्था मिलाएका छन् भने राहत वितरणको कार्यलाई पनि तिव्रता दिएको विभिन्न जिल्लाबाट रिपोर्ट आउने क्रम जारी छ । 

विभिन्न अप्ठ्यारोका विच पनि टोलीले घट्ना स्थलमा पुगेर उद्धारकार्य जारी राखेको छ । 

गोंगबुमा चिनियाँ टोली, बसपार्कमा जापानी टोली, शोभाभगवती, बिजेश्वरी, रामकोट, बसुन्धरामा भारतीय टोली, सितापाइलामा सिंगापुरको टोली र भारतीय टोली उद्धार र उपचारमा सक्रिय छन् ।

ललितपुरको लगनखेल, सानेपा, ईन्द्रायणी हाइट सुन्दरीघाटमा भारतीय मेडिकल टिम, भक्तपुरको दधिकोट अहिलामा नेपाल प्रहरी र पाकिस्तानी टोली तथा साँखुमा नेपाल प्रहरी र रेडक्रस सोसाइटीको टोलीबाट उद्धार कार्य भइरहेको छ ।

रेडक्रस र नेपाल प्रहरीको संयुक्त टोलीबाट काठमाडौं उपत्यकाको साँखु क्षेत्र र अन्य सहरी क्षेत्रका मुख्य मुख्य प्रभावित स्थानहरूमा खाद्यान्न, त्रिपाल र पानी वितरण कार्य जारी छ । 

यसैगरी ललितपुर, गोरखा, रसुवा, नुवाकोट, धादिङ र सिन्धुपाल्चोकका विकट क्षेत्रहरूमा रहेका घाइतेहरूको हेलिकप्टरद्वारा उद्धार गर्ने कार्य भइरहेको प्रहरीले जनाएको छ ।

गत शनिवार देखी भूकम्पका कारण अस्तव्यस्त वनेको जनजिवन सामान्य बन्दै गएको छ ।