काठमाडौं, १५ वैशाख । आज बिहान रसुवा र गोरखालाई केन्द्रविन्दु बनाएर २ पटक भुकम्प गएका छन् । विहान ५ बजेर ५ मिनेट जाँदा रसुवा आसपास केन्द्रबिन्दु भएर ४.९ रेक्टर स्केलको भूकम्प गएको हो । गोरखा केन्द्रबिन्दु बनाएर विहान ४ बजेर ११ मिनेट जाँदा ४.४ रेक्टर स्केलको भूकम्प गएको राष्ट्रिय भूकम्प मापन केन्द्रले जनाएको छ ।

यो सँगै अहिलेसम्म चार रेक्टरभन्दा माथिको ९८ वटा भूकम्पको धक्का महसुस गरिएको राष्ट्रिय भूकम्प मापन केन्द्रका प्रमुख लोकविजय अधिकारीले जानकारी दिए । आज बिहान मात्र पाँच वटा भूकम्प गएको मापन केन्द्रका प्रमुख अधिकारीले बताए । हिजो २४ घण्टाभित्र १३ वटा भूकम्प गएका थिए ।