Published On:Monday, April 20, 2015

Posted by my storry

जाजरकोटको महामारी नियन्त्रण नजिक रहेको दावी

काठमाडौ, ७ बैशाख । 

स्वास्थ्य मन्त्री खगराज अधिकारीले सवै स्वास्थ्यकर्मीहरुलाई २४ घण्टा भित्र कार्यक्षेत्रमा पुग्न निर्देशन दिनुभएको छ । 

सरकारको निर्देशनलाई वेवास्था गरेर कार्य क्षेत्रमा नजाने चिकित्सकलाई कारवाही गरेर नयाँ नियूक्ती गर्ने मन्त्री अधिकारीले बताउनुभयो । 

रिपोर्टर्स क्लबले गरेको साक्षात्कारमा मन्त्री अधिकारीले भन्नुभयोः केही चिकित्सकहरु कार्यक्षेत्रमा नगएको पाएको छु, त्यस्ता स्वास्थाकर्मीलाई आवश्यक कार्वाही प्रक्रिया सरकारले थालिसकेको छ । 

मन्त्री अधिकारीले अहिलेसम्म स्वास्थ्य परिक्षण गरिएको ४ हजार  विरामी मध्ये २५ प्रतिसतमा मात्र स्वाईन फ्लुको सक्रमण पाईएको बताउनुभयो । 

उँहाले जाजरकोटमा फैलीएको संक्रमण न्यूनिकरणका लागि सरकारले आवश्यक स्वास्थ्य कर्मी र औषधीको व्यवस्था मिलाई सकेको बताउनुभयो । अझै आवश्यकता महशुस भएकाले आज मात्रै पनि थप ३ वटा स्वास्थ्यकर्मीको टोली जाजरकोट पठाईएको मन्त्री अधिकारीले बताउनुभयो । मन्त्री अधिकारीले–सबै स्वास्थ्य कर्मीहरु दिनरात नभनी उपचार गरिरहनु भएको छ, उहाँहरुको मनोबल घटाउने काम गर्न नहुने तर्क गर्नुभयो ।