Published On:Tuesday, April 28, 2015

Posted by my storry

काठमाडौं, वैशाख १५ ।

भुकम्प प्रभावित जिल्लामा उद्धारका कार्यक्रमलाई थप प्रभावकारी बनाउन भन्दै एकीकृत नेकपा माओवादीले १४ केन्द्रीय नेतालाई जिल्ला पठायने भएको छ । अध्यक्ष पुष्पकमल दाहालको नेतृत्वमा गठन भएको केन्द्रिय उद्धार तथा राहत सहयोग समितीलाई प्रभावकारी बनाउन भन्दै एकीकृत माओवादीले मंगलबार कार्यविभाजन समेत गरेको छ । 

माओवादीले सिन्धुपाल्चोकमा अग्नि सापकोटा, गोरखामा हितराज पाण्डे, काठमाडौंमा हिसीला यमी, भक्तपुरमा झक्कु सुवेदी,ललितपुरमा बर्षमान पुन,नुवाकोटमा हितबहादुर तामाङ,काभ्रेमा विश्वभक्त दुलाल,रामेछापमा धावा लामा,रसुवामा नवराज सुवेदी,दोलखामा गंगानारायण श्रेष्ठ,मकवानपुरमा नारायण दाहाल,सिन्धुलीमा हरिवोल गजुरेल र धादिङमा देवेन्द्र पौडेललाई पठाउने निर्णय गरेको छ । 

बैठकले केन्द्रिय राहत संकलन तथा वितरण डेस्कमा टोपवाहदुर रायमाझी सहितका नेताहरु रहने निर्णय गरेको माओवादीले जनाएको छ । यस्तै पार्टीका स्थायी समिती सदस्य जनार्दन शर्मा ‘प्रभाकर’ लाई राहत तथा उद्धार स्वयंसेवक समितीको संयोजक बनाउने निर्णय पनि माओवादीले गरेको छ ।स्वयंसेवक समितीमा एक हजार २५ सदस्य रहने बताईएको छ ।