१२ वैशाख, नयाँदिल्ली र कोलकोता नाइट राइर्डसका वेस्टइिन्डज बलर सुनील नारिनेमाथि नियमविपरित बलिङ गरेको आरोप लगाइएको छ । आठौं इन्डियन प्रिमियर लिग (आइपिएल) अन्तर्गत सनराइजर्स हैदराविरुद्व सुनीलले नियमअनुसार बलिङ नगरेको फिल्ड म्याच अम्पाएर रिचाड ग्रोथ र विनित कुलकर्णीले आफ्नो रिपोर्टमा उल्ल्ख गरेका छन् । आइपिएल भारतीय क्रिकेट कोर्ड (बिसिसिआई) लाई फिल्ड अम्पाएरले रिपोर्ट बुझाएपछि सुनील फेरि विवादमा तानिएका हुन् । गत वर्षको टी–२० च्याम्पियन्स लिगमा अन्तर्राष्ट्रिय क्रिकेट काउन्सिल (आईसिसी) को नियमअनुसार बलिङ नगरेको जनाउँदै सुनीलमाथि प्रतिबन्ध लगाइएको थियो । जसका कारण उनले एक महिनाअघि अस्ट्रेलिया र न्युजिल्याण्डद्वारा आयोजित एकदिवसीय विश्वकप क्रिकेट प्रतियोगितासमेत गुमाएका थिए । विश्वकपलगत्तै सुनीलको बलिङ शैली सही भएको जनाउँदै आइसिसीले उनको प्रतिबन्ध फुकुवा गरेको थियो । त्यसपछि उनले कोलकोताबाट आठौं संस्करणमा प्रतिस्पर्धा गर्न पाएका हुन् । आजको नयाँ पत्रिका दैनिकमा खबर छ ।