पर्सा, ३० असोज । बारा, बनौली–५ का एक युवकले पृथ्वीको गुरुत्वाकर्षण शक्तिबाट विद्युत् उत्पादन गर्ने तथ्य पत्ता लगाएको दाबी गरेका छन् । ३१ वर्षीय सञ्जय तिवारीले १६ वर्षदेखि अनुसन्धान गरिरहेको दाबी गर्दै यन्त्रको नाम ‘सञ्जय स्वचालित यन्त्र’ राखेका छन् ।

शिक्षाशास्त्रमा स्नातकोत्तर गरेका उनले सानैदेखि बैज्ञानिक अनुसन्धान र आविस्कार गर्ने रुचि र इच्छाशक्तिका कारण आफू विज्ञानको विद्यार्थी नभए पनि गहन अनुसन्धान गर्न सक्षम भएको बताए । उनी अहिले कलैयाका विभिन्न विद्यालयमा अध्यापन गर्छन् ।

नास्ट,उद्योग बाणिज्य महासंघ,उर्जामन्त्रालय लगायत सरोकारबाला निकायसँग आर्थिक सहयोग या आवश्यक उपकरण उपलब्ध गराइदिन आग्रह गर्दा चासो नदिएको गुनासो उनले गरे । सबै उपकरण जुटाउन करिब १६ लाख ३९ हजार पाँच सय रुपैयाँ आवश्यक रहेको उनले बताए ।

तर भाडामा उपकरण लिई केही समयका लागि मात्र विद्युत् उत्पादन गर्न करिब सात लाखमात्र भए पुग्ने उनको दाबी छ ।यन्त्र निर्माण गर्न सबै उपकरण स्वदेश र वीरगन्जमै पनि उपलब्ध रहेको उनको भनाई छ । आजको कान्तिपुर दैनिकमा खबर छ ।