काठमाडौँ ,१० मङ्सिर। पाकिस्तानको एक अदालतले अभिनेत्री विना मलिकलाई २६ वर्षको जेल सजाय सुनाएको छ । 

गिलगित(बाल्टिस्तानको आतंकवाद निरोधक अदालतले विना र जियो टीभीका मालिक मीर शकीलुर रहमानलाई २६ वर्षको जेल सजाय सुनाएको हो । रहमानलाई १३ लाख पाकिस्तानी रुपैयाँ जरिवाना पनि तोकिएको छ ।

समाचार एजेन्सीहरुका अनुसार जीयो टीभीमा प्रसारित एक कार्यक्रममा धार्मिक गीतमा विना मलिकले आफ्नो पतिसँग नृत्य गरेको देखिएको थियो । 

अदालतले आफ्नो आदेशमा भनेको छ ‘आरोपीहरुको कार्यले मुसलमानहरुको धार्मिक भावनामा आहत भएको छ । यस्तो कार्यलाई गम्भीर रुपमा लिन जरुरी छ । यसलाई रोक्न कडा सजाय जरुरी छ ।’

अदालतको फैसलापछि पनि विना मलिक र जियो टीभीका मालिक पक्राउ पर्ने सम्भावना भने निकै कम रहेको बीबीसीले जनाएको छ ।

गिलगित(बाल्टिस्तानले पाकिस्तानमा पूर्ण प्रान्तको दर्जा पाएको छैन र त्यहाँको अदालतको आदेश पूरा पमकिस्तानमा लागू हुँदैन । एजेन्सी