भिम दत्त चाहिएका छन्..........

केपी अनमोल

“कि त जोत हलो, कि त छोड थलो”
भन्नु भाथ्यो नि,हो...त्यो,
अहँ,...अझै मानेका छैन्न ।

बरु हाम्रै छातीमा,
दनदनी हलो जोतिरहेछन् ,
यिनले ।।

यि त, सुन्दै नसुन्ने,
निर्जीब मुर्ती हुन ।

थाहा छ ?
जनताले,नुन मात्रै पनि
खान नपाउदा,
कत्रो आन्दोलन मच्चाउनु भाथ्यो !
र, हामीलेनुन सित्तैमा पाथ्यौं ।
यहाँ त यि ब्वाँसाहरु,
लास समेत,
आफैं खाइदिन्छन् ।
अनि,तपाईले
महाकाली बगाएका,
ति शोषक सामन्तीहरु !
फेरि प्रेत बनि,
गाँउ पसेका छन् ।
मेटिएका छैन्न ति,
उठ जाग रे, नेपाली नवजवान जाग रे...
यि जोशिला नाराहरुमा ।
म जस्तै,ठिटाहरु
यसमै परेट खेल्दैछन् अझै ।
अस्ती मात्रै,
त्यो पल्लो,नयाँ बजारको
चिया पसलमा,
ति हर्के काकालाई,
झण्डै मरेन्न !
चुलो छोइस
तँ त, कामी पो,
भनेछन्,हेर्नुन् त कस्ता पाखण्डीहरु...
तपाइले नै सबै
बराबरी हुन भन्दै,
सार्की, दमाईको
हातबाट पानि ख्वाको होइन ?
अहिले नितै ठालुहरु
अछुत, दलित भन्छन्,
र,आफु उच्च जाति,चोखा अरे...
न्याय र समानताको बिकुल,
घन्के कै छ, जोर जोरले !

ति, नसुन्ने कान एकदिन पक्कैं,
सुन्न बाध्य हुनेछन् ।

मैले आजै सुनेको,
देउडा खेल्दा,
बम्बै जान्याँ रेल गाडीमा, दिल्लीको माल आयो ,
गरिबका दिन आया, ठालुको काल आयो ।

अनि क्रान्ती काहाँ सक्या छ र भन्याँ ?
आज तपाइको,
जन्मदिनमा मात्रै हैन ।

यो देशले मेरो छोरो, भिम दत्त पनि !
भन्न नसक्ने कस्ती आमा?
अहँ, नसोच्नु तेस्तो, यि पो चोर फटाहा ।

एउटा कुखुरा मर्दा,
शहिद घोषणा गर्छ यो देश,
जनताको हक अधिकार,
सामन्ती संस्कार
हटाउन लाग्दा,
शिर काटिएर झुण्ड्याइको,
भिम दत्त हराउँछ,शुन्यतामा ।

किन, ???
आउनुहोस, फेरि
नेपाली भुमीमा,
भिम दत्त चाहिएको छ ।

यहाँ त जनताका लागि भन्नेहरु,
क्रान्ती गर्नेहरु,
खाली मन्दिरका घण्टा पो रहेछन्,
जो अरुले हल्लाई दिएपछि मात्रै चिच्याउछन् ।

किसान नेता भिम दत्त पन्तको ८८औं जन्मजयन्तिको अवसरमा