८ चैत्र, काठमाण्डौ  - प्रधानमन्त्री सुशील कोइरालालाई संविधानमा सहमति जुटाउन जति कठिन छ, त्यो भन्दा पनि बढी मुस्किल परेको छ कांग्रेसभित्रको आन्तरिक व्यवस्थापन गर्न । कान्तिपुर दैनिकमा समाचार छ  । भदौ २४ गतेदेखि २८ गतेसम्म हुने १३ औं महाधिवेशनको सरगर्मी चुलिएपछि पार्टी सभापतिसमेत रहेका कोइरालालाई चटारो परेको छ ।

वरिष्ठ नेता शेरबहादुर देउवा सभापतिका लागि मात्रै  केन्द्रित भइरहेका बेला संस्थापन पक्षका नेताहरु भने पदाधिकारीमा एकपछि अर्को आकांक्षी देखिन थालेकाले आफ्नै पक्षका नेतालाई व्यवस्थापन गनु कोइरालाका लागि चुनौती बनेको हो । त्यसैले कोइराला महाधिवेनअघि जसरी पनि संविधान जारी गर्नुपर्ने निचोडमा पुगेका छन् ।