Published On:Wednesday, March 25, 2015

Posted by my storry

परराष्ट्र मामला जानकारहरुले राष्ट्रपति रामबरण यादवले गर्न लाग्नुभएको चीन भ्रमणबाट मुलुकले धेरै फाईदा लिन सक्ने बताएका छन् ।

रिपोर्टर्स क्लबले राजधानीमा गरेको साक्षात्कारमा चीनका लागि पूर्व नेपाली राजदुत राजेश्वर आचार्यले राष्ट्रपति रामबरण यादवको पहिलो अन्तर्राष्ट्रिय एक्सपोजर भएकोले यसबाट धेरै फाईदा लिन सक्नुपर्ने बताउनुभयो ।

भ्रमणको क्रममा १५ मुलुकका सरकार र राष्ट्र प्रमुखसँग भेटवार्ता हुने भएकोले त्यहाँ नेपालसम्बन्धी अन्तर्राष्ट्रिय जिज्ञासा शान्त पार्ने र विश्वलाई नेपालप्रतिको ध्यान आर्कषित गर्ने महत्पूर्ण अवसर भएको बताउनुभयो ।

चीनकालागि पूर्व नेपाली राजदुत हिरण्यलाल श्रेष्ठले बोआ सम्मेलनका बेला नेपालले नयाँ चासोका विषयहरु उठाएर विश्वको ध्यान आर्कषित गराउनु पर्ने धारणा राख्नुभयो ।

चीनले नेपालको शान्ति, स्थायीत्व र समृद्धिमा सहयोग गरे पनि हस्तक्षेप नगर्ने उल्लेख गर्दै उहाँले राष्ट्रपतिको भ्रमण नेपाल चीन र भारतलाई जोड्ने बाटो बन्न सक्नुपर्ने बताउनुभयो ।

चीनका लागि निर्वतमान राजदुत टंक कार्कीले राष्ट्रपतिको चीन भ्रमणले चिनियाँ राष्ट्रपतिको नेपाल भ्रमणको बातावरण बनाउने भन्दै त्यसका लागी राष्ट्रपतिले संबोधन गर्न सक्नु पर्ने बताउनुभयो ।

एकीकृत नेकपा माओवादीका नेता एवम विदेश मामिला जानकार राम कार्कीले सत्रु र मित्र दुबैलाई राम्रो सँग चिन्न सकेमात्रै सम्बन्ध घनिष्ठ बन्न सक्ने भन्दै चीन र भारतको पुल बनेर नेपालको विकास गर्ने कुरा वाईहात भएको तर्क गर्नुभयो ।

चीन मामिलाका जानकार हरिशचन्द्र साहले नेपाल र चीनको सम्बन्ध हजारौ वर्षदेखि सुमधुर रहँदै आएको र चीन आफै अप्ठ्यारोमा पर्दा नेपालले सहयोग गरेको स्मरण गर्दै चीनको विकासबाट फाईदा लिने रणनीति तय गर्न लाग्नु पर्ने धाराणा राख्नुभयो ।