Published On:Thursday, January 1, 2015
Posted by dadad
सभामुखको प्रस्ताव ठिकः काँग्रेस
१८ पुस, काठमाडौं । नेपाली कांग्रेसले सभामुख सुभासचन्द्र नेम्वाङको प्रस्ताव मान्ने निष्कर्ष निकालेको छ ।
यसअघि नयाँ संविधानको मस्यौदा बनाउने जिम्मा आफूलाई दिन संविधानसभा अध्यक्ष सुवास नेम्वाङले प्रस्ताव गरेका थिए ।
काँग्रेसले सभामुखको प्रस्तावमा सहमती जनाउन प्रतिपक्षी एकीकृत नेकपा माओवादी र मधेशकेन्द्रीत दलहरुलाई समेत आग्रह गरेको छ ।
शुक्रबार विहान बसेको कांग्रेस पदाधिकारी बैठकले नेम्वाङको प्रस्ताव सही भएको औपचारिक निष्कर्ष निकालेको हो ।
प्रधानमन्त्रीको सरकारी निवास बालुवाटारमा बसेको बैठकले माघ ८ मै संविधान जारी गर्नुपर्ने भएकाले सहमतिमा आउन विपक्षी एमाओवादी, मधेसी मोर्चा लगायत दललाई आग्रह गरेको छ ।
यसबारे शुक्रबार नै एमालेसँग छलफल गर्ने र साझा धारणा बनाउने काँग्रेसले जनाएको छ । सत्ता साझेदार दलहरुको साझा धारणा बनाएर अपरान्ह एमाओवादी र मोर्चासँग छलफल गर्ने कांग्रेसको तयारी छ ।
नेम्वाङले मस्यौदा तयार बनाउनका लागि कालकूट विष पीउन पनि तयार रहेको बताएका छन् ।
