Published On:Sunday, January 25, 2015
Posted by Unknown
मापसे गरेर कार हाँकी मोटरसाइकललाई ठक्कर दिदाँ
१२ माघ, भक्तपुर,
भक्तपुर जिल्ला अदालतले मादक पदार्थ सेवन गरी अनियन्त्रित गतिमा कार हाँकेर मोटरसाइकललाई ठक्कर दिई ज्यान लिने कार चालक आदित्य अग्रवाललाई पुर्पक्षको लागि थुनामा पठाएको छ । अदालतका न्यायाधीश लेखनाथ ढकालको एकल इजलासले अग्रवाललाई पुर्पक्षको लागि थुनामा पठाएको हो । कान्तिपुर दैनिकमा समाचार छ ।अग्रवालविरुद्ध सवारी तथा यातायात व्यवस्था ऐन २०४९ को दफा १६१ (२) र १६२ (१) सम्बन्धि सवारी ज्यान र अंगभंग सम्बन्धी अभियोगमा मुद्दा दायर गरिएको थियो । अग्रवाललाई मुलुकी एने ११८ (२) बमोजिम पुर्पक्षको लागि थुनामा पठाइएको हो । महाराजगञ्जका २५ वर्षीय आदित्य अग्रवालले पुस १५ मा मादक पदार्थ सेवन गरि तीव्र गतिमा कार चलाएर मोटरसाइकललाई ठक्कर दिंदा एक महिलाको मृत्यु भएको थियो ।
