वर्षाले बिहीबार राजधानीको जनजीवन प्रभावित थियो । दिउँसो करिब साढे दुई बजे पानीले केही बेर 'ब्रेक' लगाउदा विमानस्थलमा ओर्लिएका २६ वषिर्य मीनबहादुरले थपे, 'आजको दिनमा म धेरै खुसी छु' । उनका लागि बिहीबारमात्र होइन, बुधबार पनि उत्तिकै विशेष दिन थियो । किनकी २९ महिनादेखिको कष्टपूर्ण संघर्षबाट यीनै दुई दिनमा उनले मुक्ति पाएका थिए ।

  भारतको गुजरात र पाकिस्तानको सिन्ध सामुन्दि्रक कुनोमा पाकिस्तानी प्रहरीले १३ जनालाई पक्राउ गर्दा मीनबहादुर पनि परेका थिए । १२ भारतीयसहित पक्राउ परेका उनी २९ महिनापछि बुधबार -फागुन २४) कराँचीस्थित मलिर जेलबाट छुटेका हुन् ।