Published On:Wednesday, February 18, 2015
Posted by Unknown
नेविसंघ महाधिवेशन प्रतिनिधिको नामावली टुंगियो
०६ फागुन, काठमाण्डौ- नेपाल विद्यार्थी संघले महाधिवेशन प्रतिनिधिको टुंगो
लगाई पार्टी नेतृत्वलाई बुझाएको छ। नेविसंघले प्रधानमन्त्रीको निवास
बालुवाटारमा प्रधानमन्त्री एवं नेपाली कांग्रेसका सभापति सुशील कोइराला,
उपसभापति रामचन्द्र पौडेल, विद्यार्थी विभाग प्रमुख नवीन्द्रराज जोशी र
संगठन विभाग प्रमुख आनन्द ढुंगानालाई आज संयुक्त रुपमा प्रतिनिधिको नाम
बुझाएको हो ।
नेविसंघका कार्यवाहक अध्यक्ष मनहरि श्रेष्ठले विवादित जिल्ला र क्याम्पसको
केन्द्रीय प्रतिनिधिलाई खटाएर गराएको अधिवेशनलाई नै मान्यता दिई प्रतिवेदन
पेस गरेको जनाए।
उनले भने, ‘नेविसंघको विधि र विधानको आधारमा गरिएको प्रतिनिधि छनोटलाई
आधिकारिक मानेका छौँ ।’ नेविसंघले विभिन्न जिल्ला र क्याम्पसको तीन हजार ६८
जनाको नामावली पेस गरेको हो । रासस
