पछिल्लो समय हाम्रा हिरोइनहरु प्रेमको मामलामा खुल्न थालेका छन् । हत्तपत्त अफेयरमा रहेको नस्वीकार्ने, सधैं सिंगल छु, करिअर बनाउँदैछु, प्रेमको लफडामा पर्न चाहन्नँ, प्रेम गर्ने लउमेर भइसकेको छैन् जस्ता जवाफ दिएर उम्किने गरेका कतिपय हिरोइनले अचेल खुलेआम आफ्नो ब्वायफ्रेन्ड सार्वजनिक गर्न थालेका छन् ।

ब्वायफ्रेन्ड सार्वजनिक गर्ने सबैभन्दा सजिलो, प्रभावकारी र उचित माध्यम बनेको छ– फेसबुक । आजको नयाँ पत्रिका दैनिक लेख्छ– फेसबुकमा आफू र ब्वायफ्रेन्डको फोटो हालेर ‘मिस यु’, ‘फल इन लभ’, ‘माइ हार्ट’ देखि लिएर ‘इन अ रिलेसनसिप’ समेत लेख्ने गरेको पाइन्छ । कतिपयले त फेसबुक च्याटबाटै लभ पार्ने गरेका छन् ।

‘म त सानै छु,’ भन्दै आएकी नायिका नीता ढुंगानाले केही समयअघि को आर्टिस्ट रमेश भण्डारी आफ्नो ब्वायफ्रेन्ड भएको खुलासा गरिन् । अमेर र नीताले तँ, म र ऊ पछि फूलैफूलको मौसम तिमीलाई फिल्ममा जोडी भई अभिनय गरेका छन् ।

त्यस्तै निशा अधिकारी र क्रिकेटर शरद भेसवाकर प्रेममा छन् । उनीहरु प्राय सधैं सँगै देखापर्ने गर्छन् । छवि ओझासँग समबनधविच्छेद गरेपछि सुदर्शन गौतमको प्रेममा परेकी रेखा थापा सुदर्शन पाए त बिहे गर्थें भन्दै हिँड्थिन् । हिम्मतवाली रिलिजअघि उनीहरुको प्रेम चर्तिकला निकै देख्न पाइन्थ्यो । फेसबुकमा तालतालका फोटो र स्टाटस देख्न पाइन्थ्यो ।