Published On:Sunday, May 17, 2015
Posted by dadad
कहाँ छन् आठ लाख त्रिपाल?
४ जेठ, काठमाण्डौ । शून्य भन्सार सुविधा पाएपछि व्यापारीहरूले दुई साताभित्र साढे आठ लाख थान टेन्ट, त्रिपाल र तारपोलिन भित्र्याएका छन्। तर ती सामान भूकम्पपीडित नागरिकले सहजै बजारबाट सस्तो मूल्यमा खरिद गर्न नपाएपछि व्यापारीलाई दिइएको सुविधा नियन्त्रण गर्ने निर्णयमा सरकार पुगेको छ। अन्नपूर्ण पाेस्ट दैनिकमा समाचार छ ।
सरकारले नागरिकलाई सहुलियत दरमा टेन्ट र त्रिपाल खरिद गर्न दिने सुविधा दिए पनि व्यवसायीले त्यसको दुरुपयोग गरेका छन्। केही स्थानमा व्यवसायीले त्रिपाल र पाल लुकाएको घटना बाहिर आएको छ। यसले भन्सार छुटमा भित्र्याएको त्रिपाल र पालमा कतिपय व्यवसायीले बढी मूल्य असुली कालोबजारी गरेको पाइएपछि आइतबार भन्सार विभागले त्यस्ता व्यवसायीमाथि निगरानी राख्न पत्राचार गरेको छ
