११ जेठ, काठमाडौं । कांग्रेस र एमालेका मुख्य स्वयंसेवक टोली आइतबारदेखि प्रभावित क्षेत्रमा परिचालित भएका छन् । कांग्रेस उपसभापति रामचन्द्र पौडेलले पार्टी कार्यालयमा आयोजित कार्यक्रममा भूकम्पपीडित क्षेत्रमा राहत वितरण, टहरानिर्माणलगायत काम गर्न जाने १६ स्वयंसेवक टोलीलाई बिदाइ गरे ।  कान्तिपुर दैनिकमा समाचार छ ।

एमाले अध्यक्ष केपी ओलीले भृकुटीमण्डपमा आयोजित कार्यक्रममा शपथ खुवाएर टोलीलाई फिल्डमा खटाए । दुवै दलले टोलीलाई पीडितहरूलाई सहयोग हुने गरी कार्यक्षेत्रमा खट्ने निर्देशन दिएका छन् । यसअघि पनि पार्टीका भ्रातृ संगठनहरू आ-आफ्नो काममा खटिइसकेका छन् ।

एमालेले काठमाडौंबाट ११ जिल्लाका लागि ३३ वटा टोली खटाएको छ भने कास्की, जनकपुर लगायतबाट पनि टोली परिचालित छन् ।