Published On:Sunday, May 31, 2015
Posted by dadad
३३ बर्ष पहिले आफैले पढाएको स्कुलमा पुगेर यसो भने प्रचण्डले
गोरखा, एमाओवादी अध्यक्ष पुष्पकमल दाहाल ‘प्रचण्ड’ भूकम्प पडितहरुको अवस्था बुभ्mन शनिबार गोरखाको आरुघाट बजार क्षेत्र पुगेका छन् । विनाशाकारी भूकम्पले क्षति पु¥याएका देशका विभिन्न ठाउँहरु पुगेर जनतासँग प्रत्येक्ष संवाद गरिरहेका प्रचण्डले गोरखाको दोर्लाङ गाविसका वासिन्दासँग छलफल गरेका थिए ।दोर्लाङ गाविसका करिब १३ सय बढी घरहरु भूकम्पले ध्वस्त भएका छन् । स्थानियका समस्या र आवश्यक राहत सामाग्रिका बारेमा कुरा सुनेपछि प्रचण्डले आफु सँधै जनतासँगै रहने भएकाले कसैलाई पनि नआत्तिन आग्रह गरेका थिए । जनताका समस्याका लागि आफु सँधै लडिरहने बताएका प्रचण्डले ‘राज्यले भूकम्प पीडितका लागि छुट्टाएको पन्ध्र हजार रुपैयाँ कम हुने भनेर लडेर पचास हजार बनाएको’ पनि बताए ।
भूकम्पबाट क्षतिग्रस्त बनेको आरुघाट स्थीत ३३ साल अघि आफैले अध्यापन गराएको श्री भिमोदय उमाविको निरिक्षण समेत गरेका थिए । उक्त विद्यालयमा अहिले एनेकपा माओवादीका कार्यक्रताले अस्थाई कक्षाकोठा निर्माण गरिरहेका छन् । पार्टी नेता जनार्दन शर्मा ‘प्रभाकर’ र गोरखा जिल्लाका सभासद हितराज पाण्डेको नेतृत्वमा उक्त भवन निर्माण कार्य भइरहेको छ ।
प्रचण्ड आरुघाट बजार निरिक्षण गर्ने क्रममा आफु बसेको पुरानो घरमा समेत पुगेका थिए । साथै उतिबेलाका समकक्षिहलाई समेत भेटेका प्रचण्डले बर्सौ पछि भेट हुँदा पनि आफ्ना समकक्षिहरुलाई चिनेका थिए ।
यसपछि गोरखाका विभिन्न क्षेत्रमा पुगेर प्रचण्ड आजै काठमाडौ फर्किने तयारीमा छन् । प्रधानमन्त्री सुशिल कोइरालाले उनलाई टेलिफोन गरि आजै काठमाडौ फर्किन आग्रह गरेपछि उनि छिटै फर्किने तयारीमा छन् ।
khabardabali
