जापान सम्पादक प्रकाश पन्थी, 

जुन १, टोकियो, जापान । अध्ययनका लागि जापान आएका एकजना नेपालीको आइतवार राती रहस्यमय मृत्यु भएको छ । मृत्यु हुनेमा धनकुटाका काठमाडौ भिमबहादुर कटवाल रहेका छन् । यद्यपी उनको स्थायी ठेगाना भने खुल्न सकेको छैन । 

न्यू भिजन इन्टरनेशनल कन्सलटेन्सीबाट गएको १४ अप्रिलमा जापान आएका मृतक कटवाल निसी टोक्यो इन्टरनेशनल भाषा विद्यालयमा जापानी भाषा अध्ययनरत थिए । 

आइतवार दिउँसोसम्म उनलाई केहि भएको थिएन । सँगै बस्दै आएका रविन तामाङका अनुसार आइतवार बेलुका खाना खाइरहेको समयमा एक्ककासी बोली बन्द भएपछि तत्काल जापानको नेशनल डिफेन्स अस्पताल लगिएको थियो । 

अस्पतालले तत्काल मिृतक घोषणा गरेपनि किन र के कारणले मृत्यु भएको भन्नेबारे केहि बताएको छैन ।

निसी विद्याललयले पनि कटवालको मृत्यु भएको पुष्टि गर्दै के कारणले मृत्यु भएकोबारे केहि बताएको छैन ।