२० जेठ,काठमाण्डौ । प्रमुख दलहरूले नयाँ संविधानमा ६० प्रतिशत प्रत्यक्ष निर्वाचन प्रणालीअनुसार जनप्रतिनिधि चुनिने गरी सहमति गरेका छन्। दलहरूबीच मिश्रित निर्वाचन प्रणालीअन्तर्गत केन्द्रीय संसद्मा ६० प्रतिशत प्रत्यक्ष निर्वाचित र ४० प्रतिशत समानुपातिक सांसद हुने गरी सहमति जुटेको हो। अन्नपूर्ण पाेस्ट दैनिकमा समाचार छ ।

प्रधानमन्त्री निवास बालुवाटारमा मंगलबार बिहान र बेलुका बसेको कांग्रेस, एमाले, एमाओवादी र मधेसी मोर्चाका शीर्ष नेताको बैठकमा यस्तो सहमति भएको हो।

यसअघि एमाओवादीले ६० प्रतिशत समानुपातिक र ४० प्रतिशत प्रत्यक्ष निर्वाचित (पहिलो हुने निर्वाचित हुने) प्रणाली बनाइनुपर्ने अडान राख्दै आएको थियो।