भनिन्छ प्रेममा उमेरको सीमा हुँदैन । ठूलो ठूलो उमेर अन्तर भएका जोडीहरुको विवाह बारे हामीले सुनेका छौं । तर यति धेरै उमेर अन्तरको जोडी बारे भने तपाँइले अहिले सम्म सुन्नु भएको छैन होला ।

फ्युचर अफ दुवइ समाचार पत्रका अनुसार इराकमा ९२ वर्षका पुरुष मुसली मोहम्मद अल मुजामीले २२ वर्षकी युवतीसँग विवाह गरेका छन् ।

राजधानी बगदाद नजिकै पर्ने गुब्बन नामको गाउँमा बस्ने ती वृद्धले २२ वर्षकी युवतीसँग विवाह गरेका हुन् । प्रथम पत्नीसँग विवाह गरेको ५८ वर्षपछि उनले कान्छी भित्र्याएका हुन् ।

यस अघि नै उनका पहिली श्रीमतीबाट १६ सन्तान छन् ।

उनका नातीको उमेर समेत १६ -१७ वर्ष छ । उनीहरु पनि हजुरवुवाको विहेमा सहभागी भएका थिए ।