Published On:Monday, April 6, 2015

Posted by my storry

एकीकृत माओवादी अध्यक्ष पुष्प कमल दाहाल नेतृत्वको ३० दलीय मोर्चाले भोलिबाट गर्ने आम हड्ताल कायमै राख्ने निर्णय गरेको छ । आज साँझ बसेको ३० दलको बैठकले आन्दोलनलाई सशक्त बनाउने निर्णय गरेको हो । आम हड्ताल फिर्ता लिन चौतफी दबाव आएपछि ३० दलको बैठक बसेपनि आन्दोलनलाई यथावत राख्ने निर्णय गरेको छ । 

सरकारले संविधानका विवादित विषयमा पूर्ण प्रतिवद्धताका साथ छलफलका  लागि वातावरण नबनाउँदासम्म घोषित कार्यक्रम रोक्ने कुनै पनि योजना नरहेको मोर्चाका प्रवक्ता प्रेमबहादुर सिंहले बताए ।

बन्द विहान ५ बजेदेखि साँझ ५  बजेसम्म रहने मोर्चाले जनाएको छ । बन्दको समिक्षा गर्न हरेक दिन साँझ ५ बजे शीर्ष नेताहरुको बैठक बस्ने सहमति भएको स्रोतले जनाएको छ ।