Published On:Wednesday, April 15, 2015
Posted by my storry
नओभाएका आँखाहरु
वैशाख, २०७२,काठमाडौं
प्रसिद्ध कथाकार तथा प्राज्ञ माया ठकुरीले बेल कुमारी घिमिरेद्वारा लिखित नओभाएका आँखाहरु उपन्या
सको हालै विमोचन गर्नुभयो ।
नेपाली साहित्यमा वैदेशिक रोजगार र महिला हिंसाको कथाले यो उपन्यासमा स्थान पाएको उहाँले चर्चा गर्नुभयो ।
समारोहमा अन्र्तराष्ट्रिय नेपाली साहित्य समाजका केन्द्रिय वरिष्ठ उपाध्यक्ष साहित्यकार राधेश्याम लेकाली, निबन्धकार युवराज नयाँघरे, चीनका लागि पूर्व नेपाली राजदुत टंक कार्की, समालोचक उत्तम सापकोटा लगायतले विमोचित उपन्यासबारे बोल्नुभएको थियो ।
साथै उपन्यासकार घिमिरेले आफ्नो लेखकीय मन्तव्यमा आफ्ना भोगाइलाई इमान्दारितापूर्वक प्रस्तुत गरेको बताउनुभयो ।
देश दर्शन नेपालद्वारा आयोजित उक्त समारोहमा संस्थाका अध्यक्ष शम्भु सुस्केराको सभापतित्वमा सम्पन्न भएको थियो । समारोहमा हालै प्रकाशित संस्थाको क्यालेण्डर वितरण पनि गरिएको थियो ।
