२४ चैत्र, काठमाण्डौ । एनेकपा माओवादीको नेतृत्वमा ३० दलीय मोर्चाले आब्हान गरेको ३ दिनको बन्दले अर्थतन्त्रमा ५ अर्ब ४० करोड रुपैयाँ प्रत्यक्ष घाटा हुने भएको छ । अन्नपूर्ण पोस्ट दैनिकमा समाचार छ ।

नेपाल राष्ट्र बैंकले २०६५ देखि ६८ सम्म गरेको अर्थतन्त्रमा बन्दको आर्थिक असर विषयक अनुसन्धानअनुसार एक दिनको बन्दले देशलाई एक अर्ब ८० करोड प्रत्यक्ष  घाटा हुन्छ ।

तर हालका वर्षमा लगानीको विस्तार  तथा आर्थिक गतिविधिमा आएको बढोत्तरीले प्रतिदिन दुई अर्बको हाराहारीमा प्रत्यक्ष घाटा हुने अनुमान गरिएको छ । ३ दिने बन्दमा देशले प्रतिघन्टा १५ करोडको घाटा व्यहोर्नुपर्ने देखिन्छ ।