जापान सम्पादक, प्रकाश पन्थी

मे २, टोकियो जापान, 

गुल्मी अर्जै घर भई १० बर्षदेखी जापानको मेगुरोमा मजदुरी गर्दै आएका पिताम्बर गौतमको यो फेसबुकको भनाई जतिको गहकिलो छ । भुकम्प पिडित बास्तबिक दृष्यपनि योभनाई जतिकै गहिरो छ । किनकी राजधानी काठमाडौमा भुकम्प अघिका करोडपतिहरु अहिले रोडपति भएका छन् । तर के थाहा हिजो करोडपति हुँदा रोडपतिको व्यथा के थियो भनेर ?

नेपालमा गतशनिवार गएको विनाशकारी भुकम्पका कारण भएको ठुलो जनधनको क्षतीप्रति सहानुभूति जनाउदै राहत बितरणमा अहिले पनि नेपालमा स्वदेशी र विदेशी दातृनिकाय लामवद्ध छन् । यध्यपी रोडपति भएका धेरैले अहिलेपनि गासबास पाएका छैनन् । खुला आकाशमुनि बसेर खानाको आहारा कुर्नु बाहेक उनीहरुसित बिकल्प नै छैन् । 

यो बास्तविकता भन्दा कत्ति फरक नभएको बरु त्यो भन्दा बढी पिडित थिए सन २०११ मा जापानका नागरिकहरु । जापानमा सन २०११ मार्चमा भुकम्पपछि आएको सुनामीले २० हजार भन्दा बढीको मृत्यु भएको थियो । हजारौंको घरवार गुमेको थियो । 

ती पिडितहरुले अहिलेसम्म पनि घर बनाउन सकेका छैनन् । बेपत्ता भएका आफन्त भेटाउन सकेका छैनन् । त्यतीमात्र होइन विस्थापित भएकाहरु पुर्नस्थापित भएका छैनन् । त्यतिबेला पिडितको उद्धारमा जुटेका नेपाली सहित बिदेशी नागरिकले जापानमा गरेको साहसलाई भुलेका छैनन् । 

त्यहि साहसको स्मरण गर्दै अहिले जापानभर नेपालमा भुकम्पको चर्चा मात्रै होइन, कसरी पिडितलाई उद्धार गर्न सकिन्छ भनेर धेरथोर सहयोग गर्ने जापानी दानवीरहरुका लामो लाइन छ ।

उनीहरुमध्येका मासातोसी आकुनेले नेपालीलाई सहयोग गर्न पाउदा आफुलाई खुशि लागेको बताए । जापानको सिन्जुकु वार्ड इइदावासी स्थित जावातामीको म्यानेजर समेत रहेका आकुनेले नेपालीलाई परेको पिडा सबैले मनन गर्नुपर्ने बताउछन् । मानविय सगैं भौतिक क्षति बढी छ । 

भौतिक संरचना बन्न पनि बर्षौ लाग्ने भएकाले एउटै देश वा नागरिकले ध्वस्तसंरचना बनाउन नसक्ने भन्दै राहत संकलनमा लाग्नुपर्ने बताए । उनी एउटा नमुना मात्र हुन्, जसले खुलेर नेपालीलाई सहयोग जारी राखेका छन् ।

उनीजस्ता यहाँ धेरै जापानी दानवीरहरुले अहिलेपनि नेपाली बरावर भएर खटिएका छन् । यतिसम्मकी उनीहरुले कामको दौंरानमा क्षणिक समयका लागि लगाइएका कामदारलाई समेत सहयोग गर्न आग्रह गर्छन । उनीहरुको आनुरोधमा धेरैदानवीर थपिदै गएका छन् ।

त्यही अनुरोधलाई स्विकार गरेर चन्दा संकलन गर्ने जापानको वातामी गु्रप नेपालीलाई सहयोग गर्नेमा जापान सरकारपछिकोपहिलो ठुलोतथा समग्र जापानी दानवीरहरुमा दोश्रो हुने तयारी छ । 

होटल रेष्टुरेन्टक्षेत्रमा प्रसिद्धी कमाएको यो गू्रप अन्तरगत प्रत्यक्षरुपमा काम गर्ने जापानी र बिदेशी नागरिक गरि ४ हजार भन्दा बढी कामदारले कम्तीमा २ हजार देखी अधिकतम ५० हजार जापानीयेन सम्म चन्दा संकलन गरेका छन् । 

अप्रत्यक्ष रुपमा काम गर्ने ३ हजार भन्दा बढीले पनि यहि अनुपातमा रकम रहायता गरेका छन् । यो सबैको गर्दा करिव २ करोड भन्दा बढी रकम नेपालीलाई उपलब्ध गराउने छ । वातामीलाई हालसम्म औपचारिक वा अनौपचारिक रुपमा कसैले सहयोगको अपिल त परैजाओस भे्ट्न समेत पाएका छैनन् । 

यसका लगानीकर्ता र प्रमुख व्याक्ती को हुन भन्ने समेत धेरैलाई थाहा छैन् । तरपनि तर पनि सहयोग रकम संकलन कार्य तिब्र छ ।

आकुने म्यानेजर रहेको वातामी ग्रूपमा नभएर जापानी नागरिक यति सम्म सक्रिय भएर लागेका छन् की उनीहरुले प्रत्येकजसो पसल तथा ठुलाठूला सुपरमार्केटमा समेत दानपात्र राखेका छन् । दानपात्रमा नेपालमा गएको भुकम्पबाट पिडित नेपालीलाई सहयोग गरि मानवधर्म निभाउनोस भनेर लेखिएको छ । 

अहिलेसम्म टोयोटा ले सबैभन्दा बढी १ करोड जापानीयेन उपलब्ध गराएर सहयोगी जापानी दानवीर बनेको छ । यसमा थपिनेक्रम चलिरहेको छ । राहत संकलनमा यहाका बिश्वविद्यालय देखी विद्यार्थी पनि उत्तिकै सक्रिय छन् । उनीहरुले मात्रै आजसम्म करिव २० लाख जापानीयेन भन्दा बढी संकलन गरिसकेको जनाएका छन् । 

उनीहरुले फुकुओका ओसाका,नागोया,टोकियो लगायतका स्थानमा अहिलेपनि चन्दासंकलन कार्यलाई रोकेका छैनन् । यो सबै गर्दा जापानी नागरिकबाट मात्रै १० करोड सहित भन्दा बढी रकम संकलन भइसकेको छ ।

जापानी नागरिक बाहेक त्यसबाहेक राष्ट्यि विपतमा परेकाहरुलाई सेवा गर्नु नै मानविय धर्म भन्दै नेपाली एकदर्जन बढी सघंसस्था पनि निरन्तर राहतमा छन् । उनीहरुले पनि दैनिकजसो न्यूनतम पनि १५ लाख भन्दा बढी संकलन गरिरहेका छन् ।

जापान स्थित नेपाली दुतावासले पनि दिनहुँ जसोयहाका ठूला साना संघसस्थालाई राहत संकलनकार्यमा सघाउन आग्रह गर्दै आएको छ ।

दुतावासको पहलमा जापानको टोयोटा समुहले १ करोड जापानीयेन सहयोगको घोषणा गरेको छ । त्यस्तै इयोन क्लब फाउन्डेसन १ करोड जापानीयेन बौद्धमार्गी संगठन सोकागाइकाले ५ लाख जापानीयेन उपलब्ध गराएको छ ।  सहयोगी हात निरन्तर बढीरहेका छन् । 

जापान सरकारले अहिलेसम्मकै बढी रकम ८० करोड डलर तत्कालका लागि उपलब्ध गराएको छ । यो सबै गर्दा जापानबाट मात्रै डेढ अर्ब भन्दा बढी राहत रकम भुकम्प पिडितका नाममा संकलन भएको छ । अझै पनि एनआरएन जापानको अभियान उत्तिकै सक्रिय छ । 

जसअन्तरगत करिव ४ करोड जापानीयेन संकलन भइसकेको छ । गल्कोट समाजले सुरु गरेको महा बिपत राहत अभियान २०७२ अन्तरगत संकलित ३० लाख रुपैया नेपाल पठाइसकेको अध्यक्ष हर्क थापाले बताउनुभयो । पिडितको उद्धारका लागि एनआरएन आइसीसी जापानका उपाध्यक्ष भवन भट्ट १ करोड रुपैया सहयोग सहित गतमंगलबारदेखी नेपालमा खटिरहनुभएको छ । 

त्यस्तै आइची र गिफु जिल्लामा रेष्टुरेन्ट व्यवसाय गर्दै आउनु भएका पाल्पाका तोयानाथ पोखरेलले ३० लाख जापानीयेन,नेपाली जनसम्पर्क समितिले १४ लाख रुपैयाँ संकलन गरिसकेको छ । रकम त्यस्तै रेमिट्यान्स कम्पनी क्योदाई रेमिट्यान्सले १० लाख जापानीयेन जापानमा लामो समयदेखी व्यवसाय गर्दै आएका व्यवसायी दिपक सुवेदीले ८ लाख १० हजार जापानीयेन राहत र सुवेदी आवद्ध कर्लिम समाज र बिहुँकोट समाजले संयुक्त रुपमा ५ लाख तथा दुबै सस्ंथाको संयुक्त पहलमा ३ लाख १० हजार जापानीयेन संकलन भइसकेको छ ।

एनआरएन जापानले सुरु गरेको भुकम्प उद्धार तथा सेवा समितिले जापानका विभिन्न स्थानमा भएको राहत कार्यक्रममा ४ लाख ७७ हजार जापानी येन संकलनमा भएको छ ।

त्यस्तै क्योदाई रेमिट्यान्सका अध्यक्ष युईचिरो किमोतो र प्रबन्ध निर्देशक कासीको किमोतोले संयुक्त रुपमा १ लाख जापानीयेन ,गोर्खाली समाज र टोकियो ब्रर्दश लगायतका संघसस्थांल पनि १ लाख ३० हजार जापानीयेन,जनप्रगतिशिल समाजले १ लाख र स्यांजा सम्पर्क समाजले १ लाख जापानीयेन पिडितलाई राहत दिइसकेका छन् । अझ समुह अनुसार हेर्नेको भने त यसरी दानगर्ने दानवीरहरुको नामावली सयौंको संख्यामा छ ।