२५ पौष, धादिङ, साना किसान कृषि सहकारी संस्था ढोलाको नवौ साधारण सभा आज (शनिबार) ढोला स्वस्थ्या चौकी भवन, रानाको चौतारामा सम्पन्न सम्पन्न भएको छ । साधारण सभाले आर्थिक वर्ष २०७०-०७१ को आय व्यय प्रस्तुत गरेको थियो । गत आर्थिक २०७०-०७१ वर्षमा कुल २ करोड १७ लाख ९१ हजार ५ सय ९६ रुपयाँको कारोवार गरेको संस्थाले ८ लाख ६४ हजार ७२ रुपयाँ खुद नाफा कमाउन सफल भएको छ । १०० वटा समुह संख्या रहेको संस्थामा ४०१ जना महिला र १८० जना पुरुष गरि जम्मा ५८१ जना सेयर सदस्य रहेका छन् । संस्थाको असुली दर ९५% रहेको छ । सभाको अवसरमा सहकारीलाई जग्गा दान दिने ढोला –५ का कृष्ण भट्ट र ढोला –८ का डम्वर बहादुर श्रेष्ठलाई विशेष सम्मान गर्नुका साथै, पूर्व संचालक समितिका पधादिकारी, अन्तर समुह र उत्कृष्ट अंक सहित कक्षा उत्तिर्ण हुने सेयर सदस्यका छोरा छोरीलाई समेत सम्मान गरिएको थियो । साधारण सभामा साना किसान विकास बैकका प्रतिनिधि महेश्वर पण्डितको प्रमुख आतिथ्यता र नेपाली कांग्रेस धादिङ–२ का सभापति विनोद तिमल्सेना, साना किसान जिल्ला संघका प्रतिनिधि श्याम बजगाँईको बिशेष आतिथ्यता रहेको थियो । साधारण सभा साना किसान कृषि सहकारी संस्था ढोलाका अध्यक्ष कृष्णलाल श्रेष्ठको सभापतित्वमा सम्पन्न भएको सभाको, संचालन संस्थाका प्रबन्धक विष्णु थपोलियाले  संचालन गर्नुभएको सह–प्रबन्धक सुनिता तिमल्सेनाले जानकारी दिनुभयो ।