Published On:Tuesday, March 10, 2015
Posted by Unknown
'दैलो उघारिदिनेसम्म रहेनन्’
असावधानीवश विषाक्त गहुँको रोटी खाएकै कारण सोमबार ६ जना आफन्त गुमाएको तामाङ परिवार शोकको आहालमा चुर्लुम्म डुवेको छ ।
पृथ्वि राजमार्गबाट १५–१६ किलोमिटर टाढाको विपन्न गाउँ पुकुन तामाङ बस्ती हो । अहिले यो बस्तीको आँगनमा अनौठौ सन्नाटा छाएको छ । बाहिरका मान्छेको ओहोरदोहोर र सोधिखोजी सुनिन्छ,गाउँलेको मुख खुल्न भने हम्मेहम्मे छ ।
‘मर्ने त मरिहाले,मेरी छोरी (सानीमाया) को काठमाडौंमा औषधि हुन्छ रे त्यसलाई चाहिँ बताइदिए हुन्थ्यो’ सोमबार ज्यान गुमाउने सन्जबहादुर तामाङकी जेठी बुहारी ठूलीकान्छीमाया तामाङले शोकको भारी र आसा एकैसाथ बिसाइन् । टिलपिल टिलपिल आँखा बोल्दाबोल्दै ढल्किए,अनुहार लछप्पै भिज्यो ।
घुन किराबाट जोगाउन विषादी मोलेर राखिएको गहुँ पिँधेर आफू र परिवारलाई रोटी खुवाएका सन्जबहादुर सहित परिवारका ६ जनाको मृत्यु भएको हो । अरु खतरामुक्त भएपनि टेकबहादुरकाे अवस्था गम्भिर छ ।
