Published On:Wednesday, November 5, 2014
Posted by dadad
विमान चालककै शैक्षिक योग्यता नक्कली
छानविनका क्रममा प्रधानले नक्कली शैक्षिक योग्यताको प्रमाणपत्र पेस गरी विमान उडाइरहेको तथ्य फेला परेपछि अख्तियारले कारबाहीका लागि विशेष अदालतलाई सिफारिस गरेको हो ।
प्रधानले सेवा प्रवेशको क्रममा विहार इन्टर मिडियट एजुकेशन काउन्सिल पटना भारतबाट सन् १९९३ मा आइएस्सी तह उत्तीर्ण गरेको भनी प्रस्तुत गरेको प्रमाणपत्र नक्कली पाइएको अख्तियारका प्रवक्ता श्रीधर सापकोटाले जानकारी दिए ।
प्रधानलाई हदैसम्मको कारबाहीको माग गर्दै मुद्दा दायर गरिएको आयोगले निकालेको विज्ञप्तीमा भनिएको छ ।
यस्तै, आयोगले रौतहट मर्यादापुर गाविसका सचिव विश्वनाथप्रसाद शर्मा, जिल्ला प्राविधिक कार्यालय रौतहटका इन्जिनियरद्वय शिवजीप्रसाद राय र लक्ष्मणकुमार सेठले सामाजिक सुरक्षा भत्तामा अनियमितता गरेको आरोपमा आजै विशेष अदालतमा मुद्दा दायर गरेको छ ।
उनीहरूले आर्थिक वर्ष २०६७/६८ देखि २०७०/७१ सम्मको सामाजिक सुरक्षा भत्ता र पूर्वाधार निर्माणको रकम दुरुपयोग गरेको आयोगले जनाएको छ । उनीहरुले ४ लाख ७० हजार हिनामिना गरेको अनुसन्धानबाट पुष्ट हुन आएको छ ।
