धुलिखेल, ६ फागुन । उद्योगमन्त्री नवीन्द्रराज जोशीले अबको ५० दिनभित्र एक लाख उद्यमी तयार पार्ने बताउनुभएको छ । 

२७ जेठ,  काठमाडौ, प्रमुख चार दलबीच सोमबार भएको सहमतिमा ८ प्रदेश बनाउने उल्लेख छ । यी प्रदेश कसरी निर्माण हुन्छन् त ? दलीय सहमतिमा छ– ‘पहिचानका ५ र सामथ्र्यका ४ आधारमा प्रदेश बन्नेछन् ।’

पहिचानका ५ आधार

१. जातीय/समुदायगत

२. भाषिक

३. सांस्कृतिक

४. भौगोलिक/क्षेत्रगत निरन्तरता

५. ऐतिहासिक निरन्तरता

अघिल्लो संविधानसभाको राज्यपुनर्सरचना समितिले नै निधारण गरेका आधारहरुलाई अब प्रदेशको सिमाङ्कन गर्दा आयोगले ध्यान दिनुपर्नेछ । ती आधारमा दलहरुबीच यसअघि नै सहमति भइसकेको छ । पहिचान भित्र जातीय/समुदायगत, भाषिक, सांस्कृतिक, भौगोलिक/क्षेत्रगत निरन्तरता र ऐतिहासिक निरन्तरता गरी पाँचवटा आधार छन् ।

कुनै पनि प्रदेश बनाउँदा यही आधारलाई हेर्नुपर्नेछ । त्यससँगै प्रदेशले धान्न सक्छ कि सक्दैन त्यसलाई ख्याल गर्न सामथ्र्यका चार आधारमा दलहरुबीच सहमति भएको थियो ।

सामर्थ्यका ४ आधार

१. आर्थिक अन्तरसम्बन्ध र सामथ्र्य

२. पूर्वाधार विकासको अवस्था र सम्भावना

३. प्राकृतिक साधन र स्रोतको उपलब्धता

४. प्रशासनिक सुगमता