शुशिलका नक्कली छोराको राज्य आतंक,
सरकारका प्रमुख मन्त्रालयलाई निगरानीमा राखेर आफ्नो काम कारबाही अघि बढाउने जिम्मा पाएको व्यवस्थापिका संसद अन्तर्गत राज्य व्यवस्था समिति यतिबेला अस्तव्यस्त छ ।

 महत्वपूर्ण निर्णय गर्नुपर्ने समयमा पनि समितिको न त नियमित बैठक नै बस्न सकेको छ, समितिको कार्यलय पनि सुनसान छ । समितिको कार्यलय सिंहदरबार पुग्ने हो भने, सभापति दिलबहादुर घतीमगरलाई भेट्ने कुरा त परै जाहोस्, उनका पीए श्यामचन्द्र अधिकारीलाई समेत देख्न सकिदैन । नेपाली काँग्रेस केन्द्रीय सदस्य समेत रहेका सभापति घर्तिमगर लमजुङबाट समानुपातिक तर्फबाट सभासद बनेर संसद भवन प्रवेश गरेका हुन् । उनी काँग्रेस सभापति शुशिल कोइराला निकट मानिन्छन् ।

समितिको काम सुरक्षा निकाय, प्रधानमन्त्रीाको कार्यलय, गृहमन्त्रालय, सामान्य प्रशासन, रक्षा लोकसेवा आयोग, निर्वाचन आयोग लगायत महत्वपूर्ण मन्त्रालय र निकायमा महत्पपूर्ण निर्णय गर्नु हो । तर सभापति घर्तीमगरलाई अहिलेसम्म समितिको कामकारबाहीको बारेमा समेत ज्ञान नभएको नेपाली काँग्रेस निकट भरपर्दो स्रोतको दाबी छ । अहिलेसम्म अनौपचारिक शिक्षा मात्रै हाँसि गरेका उनलाई अहिलेसम्म विज्ञान र प्रविधिको विषयमा केहि थाहा नभएको उनी निकट एक नेताले बताए । स्रोतका अनुसार उनले अहिलेसम्म ईमले र ईन्टरनेट चलाउन जान्दैनन्, २÷४ जना भएको ठाउँमा खुलेर भाषणा गर्न समेत गर्न सक्दैनन् ।

घर्तीमगरलाई उनकै स्वकिय सचिव अधिकारीले सहयोग नगरेका कारण समितिको नियमित बैठक समेत बस्न नसकेको र महत्वपूर्ण निर्णय हुन नसकेको बताईन्छ । घर्तीमगरका स्वकिय सचिव अधिकारी र उनका लागि ड्राईभरका रुपमा चन्द्र विकलाई रोल्पाबाट नेपाली काँग्रेसको समानुपातिक तर्फबाट सभासद भई आएका अमरसिंह पुनले नियुक्ति गरिदिएका हुन् । पुनले पीए र ड्राईभर नियुक्त गरिदिएकाले उनीहरु पनि घर्तीमगरलाई भन्दा पुनलाई नै बढि विश्वास गर्छन । खाने र बस्ने सबै व्यवस्था मिलाईदिएको र आईपरेका समस्याहरुलाई पनि समाधान गरिदिने गरेकाले पनि पीए र ड्राईभरले घर्तीमगरलाई भन्दा बढि विश्वासिला पात्र पुनलाई मान्छन् ।

सभासद पुन ठेक्कापट्टाको काम गर्छन् । उनी दिलबहादुरलाई शखोधर दाई भन्दै हरेक ठाउँका ठेक्कापट्टाका कामहरु आफ्नै हातमा पार्छन् भने, सभापति शुशिल कोईराको आफ्नै छोरा हो भन्दै हिड्ने गरेको बताईन्छ । तर, सभापति कोईराला बाहेर अन्य नेताहरुले भने पुनलाई राम्रोसँग नचिनेको काँग्रेसी नेताहरुको भनाई छ ।
पुनले शुशिललाई घर्ती देखाउने र घर्तीलाई शुशिल देखाउने दोहोरो चरित्र रचेका कारण पनि समितिको बैठक बस्न नसकेको बताईन्छ । समितिको बैठक बस्ने बित्तिकै केहि अप्ठ्याराहरु पुनमाथि आउने र पुनको निर्णय विना शुशिल र घर्तीमगर दुबैले अनिर्णित हुने भएकाले पनि समस्या आएको हो । 

स्रोतका अनुसार, सरकारले गर्ने सुरक्षा लगायत हरेक निकायमा समेत पुनकै निर्णय अन्तिम हुने गरेको छ । शुशिल कोईराला प्रधानमन्त्री भएपछि उनले प्रधानमन्त्रीलाई समेत विभिन्न लालच देखाएर सुरक्षा लगायत निकायहरुमा सरुवा, बढुवा देखि महत्पपूर्ण निर्णय गर्न लगाएको खुलासा भएको छ ।

ठेक्कापट्टा गर्दागर्दै सभासद बनेका पुनले आफु रक्षा मन्त्री हुँ भन्दै हल्ला फिजाउँदै सेना, प्रहरी र प्रशाशसनमा समेत राज गर्दै आएको र सुरक्षा निकायबाट उठौती धन्दा गर्दै आएको तथ्य खुलेको छ । काँग्रेसका नेताहरुले पुनलाई राम्रो संग नचिन्ने प्रतिक्रिया दिएका छन् भने, कसरी शुशिल कोइरालाको छोरा भयो भन्दै आश्चर्य चकित समेत हुने गरेका छन् । नेपाली काँग्रेसका प्रभावशाली नेताहरुले सामान्य बस्ने ठाउँको अभाव समेत झेलिरहनुपरेको समयमा शक्तिकै भरमा उनलाई भने दुई वटा कोठा उपलब्ध गराईएको छ ।

 राज्य व्यवस्था समितिका सभापति घर्तीमगरले पनि साख्य भाई भन्नु अनि पुनले पनि आफ्नै दाई भन्नुले पनि अहिलेसम्म स्वच्छ छबि भएका भनिएका घर्तीमगरको चरित्रमा संका गर्न थालिएको छ ।

स्रोतका अनुसार पुनले नेपाली काँग्रेसका केन्द्रीय सदस्य आनन्द ढुंगाना मार्फत सभापति शुशिल कोईरालालाई चिनेका हुन् । जसरी पनि पैसाको धन्दा गर्ने पुनले घर्तीमगरलाई हातमा लिएकाले पुनले घर्तीलाई उठ र बसको अवस्थामा पुर्याएको बताईन्छ । यहि कार्तिक १९ गते बसेको बसेको समितिको बैठकमै अर्जुन जोसी लगायत काँग्रेसी सभासदहरुले नै उनकै अगाडी असक्षम र नालायक भनेको घटनाले पनि घर्तीमगरले राज्य व्यवस्था समिति राम्रोसँग चलाउन नसकेको बुझ्न सकिन्छ । उनी निकट एकजना काँग्रेस नेताका अनुसार समिति सभापति भैसकेपछि घर्तीमगरले उप–सचिव सरह हरेक महिना ३० हजार रुपैयाँ तलब लिने गरेको तर काम भने व्यक्तिगत मात्रै गरेको बताए ।