मोबाइलमा अटोमेटिक ब्राइटनेस अप्सन छानियो भने यसले मोबाइल नचलाएको बेला चम्किलोपन नियन्त्रण गर्न सहयोग पुर्याउँछ । फोनमा विभिन्न सुविधाहरु सधैं सुचारु गरिरहनाले पनि ब्याट्री चाँडो सकिन्छ ।
यसर्थ, इमेल लगायतलाई चाहिएको बेला मात्र अन गर्नुपर्दछ । मोबाइललाई ‘फ्लाइट मोड’मा राख्दा पनि ब्याट्री लामो समयसम्म टिकिरहन्छ । वाइफाइ र ब्लुटुथलाई आवश्यकता परेको बेलामा मात्र अन गर्नुपर्छ । निरन्तर अन गरिरहँदा ब्याट्री छिटो सकिन्छ । यसैगरी दैनिक कामकाजमा नआउने अनावश्यक एप्लिकेशनहरु हटाएर मोबाइलमा ब्याट्री टिकाउन सकिन्छ । –एजेन्सी